विश्व मातृभाषा दिवस पर हुई ज्ञान-गोठ, राजस्थानी भाषा री करी बात।

श्रीडूंगरगढ़ टाइम्स 21 फरवरी 2026। शनिवार ने सगळे विश्व में मातृभाषा दिवस मनायो ग्यो और श्रीडूंगरगढ़ में ई मौके पर मरुभूमि शोध संस्थान कानी सयुं ज्ञान गोठ रो आयोजन करिज्यो। जका में विषय पर बोलतां हुआ जवान कथाकार हरीश बी शर्मा कहियो के आले सोशल मीडिया रे सागे आपणी राजस्थानी भाषा सगळा विश्व और घर-गांव में मोकळी प्रसिद्ध हो रही है। फेर भी राजस्थानी राज भाषा बणन रो और राजस्थानी न मान्यता मिलण र रास्ता में चानणो नहीं हो रह्यो है। राजस्थानी कंटेंट तैयार करन आला न भी स्क्रिप्ट रो अभाव भी रेव। कार्यक्रम में डॉ तेजसिंह जोधा न महाराणा प्रताप राजस्थानी साहित्य सृजन पुरस्कार, डॉ कृष्णा कुमारी को पं. मुखराम सिखवाल स्मृति पुरस्कार, श्रीमती प्रेम को सूर्य प्रकाश बिस्सा स्मृति सम्मान तथा पूर्ण शर्मा ‘पूर्ण’ को डूंगर कल्याणी स्मृति राजस्थानी बाल साहित्य सम्मान दियो। डॉ तेजसिंह जोधा ने काव्य पाठ सुणायो। डॉ कृष्ना कुमारी, श्रीमती प्रेम, पूर्ण शर्मा पूर्ण भी आपरा विचार व्यक्त करया। कार्यक्रम री अध्यक्षता साहित्यकार श्याम महर्षि करी और महर्षि राजस्थानी भाषा री पुस्तकां पठकां तक पहुँचाण री बात करी। मुख्य अतिथि चेतन स्वामी रह्या और सगळा रो आभार जतायो। कार्यक्रम रो संचालन रवि पुरोहित करयो। ज्ञान गोठ में डॉ के.सी. सोनी, डॉ. मदन सैनी, डॉ. महावीर पंवार, डॉ कृष्ण लाल विश्नोई, सत्यदीप, भरतसिंह राठौड़, हरिराम सारण, भीकमचंद पुगलिया, सरोज शर्मा, विजयराज सेठिया, राजीव श्रीवास्तव, विनोद सुथार, ओम गुरावा, श्रीभगवान सैनी, विनोद सिखवाल, विमल भाटी, दयाशंकर शर्मा, गोपीराम नाई, नारायण शर्मा, पवन सिद्ध, रमाकांत झंवर, अंबिका डागा, सीमा भोजक, निशा, नूतन उपस्थित रहें।